विराट कोहलीला भेटायला गेला आणि अटक होउन बसला

पिंपरी (वास्तव संघर्ष) : क्रिकेटर विराट कोहली आणि रोहीत शर्मा यांना त्यांचा एक फॅन सुरक्षा तारा ओलांडून स्टेडियमच्या आत भेटायला गेला आणि लगेच त्याला पोलिसांनी पकडले. ही घटना शनिवारी (दि.09) रोजी बेंगळुरू आणि मुंबई इंडियन्स सामना दरम्यान गहुंजे स्टेडियम मावळ या ठिकाणी घडली आहे.

याबाबत पोलीस हवालदार विनोद साळवे यांनी तळेगाव दाभाडे पोलीस ठाण्यात फिर्याद दिली आहे.

दशरत राजेंद्र जाधव या आरोपीविरुद्ध गुन्हा दाखल करण्यात आला आहे.

पोलिसांनी दिलेल्या माहितीनुसार, शनिवारी बेंगळुरू आणि मुंबई इंडियन्स सामना दरम्यान गहुंजे स्टेडियमवर राञी साडेदहाच्या सुमारास आरोपी राजेंद्र याने फिर्यादी विनोद यांनी वारंवार दिलेल्या सूचनांकडे जाणिवपूर्वक दुर्लक्ष करून सुरक्षा तारा ओलांडून आतमध्ये गेला त्याठिकाणी विराट कोहली यांना पंच देऊन रोहीत शर्मा यांच्या दिशेने धावत जात असतांना त्यास ताब्यात घेतले.आरोपी राजेंद्र याला ताब्यात घेऊन मैदानाबाहेर येत त्याने वादविवाद करत गोधळ घालत फिर्यादी विनोद यांच्या अंगावर धावून येत होता. फिर्यादीविनोद हे त्यांचे शासकीय कर्तव्य करीत असताना त्यांच्या शासकीय कामात आरोपी राजेंद्र याने अडथळा निर्माण केला म्हणून गुन्हा नोंद करण्यात आला आहे. अधिक तपास तळेगाव दाभाडे पोलीस करीत आहेत.