धक्कादायक :स्वयंपाकाच्या कारणावरून सुनेने केला सासूचा खून

चाकण (वास्तव संघर्ष) : स्वयंपाकाच्या कारणावरून सुनेने सासूचा नायलॉन दोरीने गळा आवळून खून केला आहे. ही घटना गुरुवारी ( दि.14)रात्री नऊच्या सुमारास पंचवटी सोसायटी झिञाईमळा चाकण येथे घडली. आरोपी सुनेला चाकण पोलीसांनी अटक केली आहे.

सुषमा अशोक मुळे ( वय 71 ) असे मयत सासूचे नाव आहे.

सुवर्णा सागर मुळे ( वय 32 ) असे अटक करण्यात आलेल्या सुनेचे नाव आहे.

पोलिसांनी दिलेल्या माहितीनुसार,सासू सुषमा आणि सून सुवर्णा यांच्यात किरकोळ कारणावरून नेहमी भांडण होत असतं. गुरुवारी नऊच्या सुमारास सासू सुषमा आणि सुवर्णा यांच्यात स्वयंपाकाच्या कारणांवरून भांडणे झाली. हे भांडण विकोपाला गेल्यानंतर सुवर्णाने नायलॉन दोरीने गळा आवळून सासूचा खून केला.अधिक तपास चाकण पोलीस करीत आहेत .