पोलिसांना शिवीगाळ करत मोठमोठ्याने आरडाओरड करून धमकी

पिंपरी (वास्तव संघर्ष) : वाहतुकीचे नियमन करत असलेल्या पोलिसाला मी पोलिसांना सरळ केलं आहे म्हणत शिवीगाळ करून धमकी देणाऱ्या दोघांना पोलिसांनी अटक केली आहे . ही घटना शुक्रवारी( दि.16) सायंकाळी चार वाजता पुनावळे अंडरपास जवळ घडली.

याप्रकरणी पोलीस हवालदार श्रीकांत जाधव यांनी रावेत पोलीस ठाण्यात फिर्याद दिली आहे.

सचिन तानाजी राजपूत ( वय 22,रा.कासार आंबोली, ता .मुळशी),अरुण बलराम रास्ते ( वय 30 ) या दोघांना पोलिसांनी अटक केली आहे .

पोलिसांनी दिलेल्या माहितीनुसार , फिर्यादी हे वाकड वाहतूक विभागात नेमणुकीस आहेत.शुक्रवारी सायंकाळी चार वाजताच्या सुमारास ते पुनावळे अंडरपास येथे वाहतुकीचे नियमन करत होते . त्यावेळी आरोपी दुचाकीवरून आले . त्यांनी मोठमोठ्याने आरडाओरड करून जाधव यांना शिवीगाळ केली.कुठला पोलीस आहेस.बाजूला हो.मला पुढे जाऊ दे , अशी दमदाटी केली .त्यानुसार आरोपींवर पोलिसांनी गुन्हा दाखल केला आहे. अधिक तपास वाकड पोलीस करीत आहेत.