पिंपरीत वंचित बहुजन आघाडीची भव्य बाईक रॅली ;सुजात आंबेडकरांसह उत्कर्ष आनंद शिंदे यांची प्रमुख उपस्थिती

दिपक साबळे.. पिंपरी (वास्तव संघर्ष) वंचित बहुजन आघाडीच्या वतीने पिंपरीत बुधवारी झालेल्या भव्य बाईक रॅलीचे आयोजन करण्यात आले होते. वंचित बहुजन आघाडीचे अधिकृत उमेदवार प्रवीण उर्फ बाळासाहेब गायकवाड यांच्या प्राधिकरण येथील पोस्ट ऑफिस कार्यालयापासून रॅलीची सुरुवात झाली . या रॅलीत महाराष्ट्रचे सुप्रसिद्ध गायक उत्कर्ष शिंदे प्रामुख्याने उपस्थित होते त्यांच्यासोबत सुजात प्रकाश आंबेडकर आणि पिंपरीचे वंचीत बहुजन आघाडी चे अधिकृत उमेदवार प्रवीण उर्फ बाळासाहेब गायकवाड उपस्थित होते याप्रसंगी शहरातील लाखो कार्यकर्त्यांनी बाईक रॅली काढत शक्ती प्रदर्शन केले.

पिंपरी विधानसभा मतदारसंघातुन वंचित बहुजन आघाडीचे प्रवीण उर्फ बाळासाहेब गायकवाड यांना उमेदवारी दिली आहे. तेव्हापासून शहरात वंचितचा जोरदार झंझावात सुरू आहे. घरोघरी सिलेंडर हे चिन्ह पोचविण्यात कार्यकर्ते व्यस्त आहेत. पिंपरीत सेना भाजपला प्रमुख विरोधक म्हणून वंचितचे आव्हान उभे राहिल्याने प्रस्थापित पक्षांच्या गोटात चिंतेचे वातावरण आहे.

नुकत्याच झालेल्या लोकसभा निवडणुकीत पिंपरी मतदार संघातून वंचीत बहुजन आघाडीला मोठे मताधिक्य मिळाले आहे. सध्या सत्ताधाऱ्याबाबत असणारी नाराजी वंचितच्या उमेदवाराच्या पथ्यावर पडेल असे जाणकारांचे मत आहे. त्यामुळे प्रवीण गायकवाड यांनीही प्रचारात सध्या तरी आघाडी घेतली असल्याचे चित्र आहे. त्याच पार्श्वभूमीवर या रॅलीचे आयोजन केले .

रॅलीची सुरुवात प्रवीण गायकवाड यांच्या प्राधिकरण पोस्ट ऑफिस येथील कार्यालयापासून होणार झाली . ही रॅली पिंपरी मतदारसंघातुन निघाली . रॅलीत अचानक डॉ उत्कर्ष आनंद शिंदे आल्याने कार्यकर्तेही अंचबित झाले कारण पिंपरीतून राष्ट्रवादीकडून शिंदे ईच्छुक होते मात्र या रॅलीत शिंदे स्वतः आल्याने डॉ उत्कर्ष आनंद शिंदे यांचीही पाठिंबा वंचीतच्या पिंपरीतील उमेदवाराला आहे हे देखील यावेळी स्पष्ट झाले.

दरम्यान दापोडी येथील डॉ. बाबासाहेब आंबेडकर पुतळा परिसरात रॅलीची सांगता झाली